" தெய்வத்திருமகள்--- தந்தையின் தாலாட்டு "

விக்ரமின்  "தெய்வத்திருமகன்" நான் ரொம்பவும் எதிர்பார்த்த படம்.  கடைசியில்  "தெய்வத்திருமகளாக" வெளி வந்தது.

முதல் நாளே நண்பர் சுப்பையா நைட் ஷோ பார்த்துட்டு இரவு இரண்டு மணிக்கு " படம், சூப்பரோ சூப்பர் " என்று sms அனுப்பினார். அடுத்த நாள் காலையில் படத்தை அவ்வளவு அழகாக விமர்சித்தார். அவர் சொன்ன விதம் படம் பார்க்கும் ஆவலை மேலும் தூண்டியது.

படத்தின் டைட்டில் கார்டில்  Dr .சீயான்  விக்ரம்...  வாழ்த்துகள் விக்ரம்  ...

படத்தில் ஆறு வயது மன நிலையில் உள்ள ஒரு இளைஞன் கேரக்டர் விக்ரமிற்கு.. கிருஷ்ணா கேரக்டரில் பின்னி பெடலெடுத்திருக்கிறார்... அவர் மட்டுமே இந்த அளவுக்கு சிறப்பாக செய்ய முடியும்..
" என்னடா, இந்த மெண்டல் இப்படி போட்டு அறுக்கிறான் " என்று நம்மை முகம் சுழிக்க வைக்காமல், அழகாக ரசிக்க வைக்கிறார்.

சில காட்சிகளின் போது என் உடலின் சிறகு முளைக்கிறது, மனம் லேசானது, சந்தோசம் மனசு பூராவும் இருந்த்தது..
அவன் குழைந்த தனமாக இருந்தாலும் சின்ன சின்ன விசயத்திலும் perfection  ஆக இருக்கிறான். " தண்ணீர் பைப்பை மூடுவது, டிராபிக் சிக்னலில் Go என்று விழுந்ததுமே தான்  நடக்கிறான், அதுவும் வண்டியே வராத ரோட்ல!! "

கடற்கரையில் தன் பணத்தை திருடி விட்டு ஓடும் திருடன், மீன் பிடிக்கிற வலையில் கால் தட்டி விழ ,கிருஷ்ணா அந்த திருடனுக்கு கை கொடுத்து துக்கி விடுவது ,
காக்கா குஞ்சு ஒன்றை பூனையிடம் இருந்து காப்பாற்றி மரத்தில் மேல் ஏறி அதன் கூட்டில் வைக்கிறது ( இந்த காட்சி ஈரானிய திரைப்படமான color of paradise ல் வருகிறது. அதனால் என்ன தமிழ் ரசிகர்களுக்கு இது புதுசுதான்),

கிருஷ்ணா நண்பர்கள் அவர்களும் மனநிலை குன்றியவர்கள். வாழ்க்கையை அழகாக எதிர் கொள்கிறார்கள். அவர்களோடு தன் குழந்தை நிலாவிற்கு ஷூ எடுத்து கொண்டு பலூன் பிடித்துக்கொண்டே வருவது .. என பல காட்சிகள் என்னை சிறகு முளைக்க  வைத்தன..

படம் முடிந்து வந்தாலும் இப்ப வரை படத்தின் பின்னணி இசை மற்றும் சில வசனங்களும் மனதில் ஒலித்து கொண்டே இருக்கிறது...  

" நீங்க கூட்டிட்டு போறது ஒரு குழந்தைய   அல்ல , இரண்டு குழைந்தையை ..."
"அப்பா வந்தாச்சு, நிலா வந்தாச்சு..!"
"காக்கா ஏன் கருப்ப இருக்கு, வெயில்ல ரொம்ப அலையிதுலா அதான்... யானை ஏன் பெருசா இருக்கு, நெறைய சாப்பிடுதுலா  அதான்.."
"நிலா எப்ப வருவா, அம்மாவாசைக்கு அப்புறம்..!!"

விக்ரமின் குழைந்தையாக வரும் நிலா-- பௌர்ணமி நிலா..

இந்த படத்த பார்த்ததுக்கு அப்புறம் குழைந்தைகள் உலகம் எவ்வளவு அழகாக உள்ளது என்று தோன்றுகிறது..

இந்தப்படம் ஆங்கில படமான " I am sam " என்ற படத்திலிருந்து  சுட்டது,  இதை நாங்க பார்க்க மாட்டோம், வரவேற்க மாட்டோம், டைரக்டர் விஜய் கிட்ட சரக்கு இல்ல என்று விமர்சனம் எழுதுபவர்களை பற்றி எனக்கு கவலை இல்லை.

 படத்தை நான் ரசிச்சேன்,கண் கலங்கினேன்,கண்ணீரோடு வெளியே வந்தேன்..
போட்டிகள் நிறைந்த இந்த உலகம் அழகாக இருந்தது. அன்பு மட்டும் எங்கும் கொட்டி கிடந்தது....
  

தென்மேற்கு பருவக்காற்று -- கள்ளிக்காட்டின் தென்றல் காற்று..

தமிழ் சினிமா எத்தனையோ கிராம படங்களை தந்தாலும் ஒரு சில படங்களே மனதிலும், வரலாறிலும் இடம் பிடிக்கிறது. இப்ப நெறைய யதார்த்த படம் வர ஆரம்பிச்சிட்டு, இதுவும் நல்லதுக்குத்தான்.

திருவிழா பாடல்கள், இரட்டை அர்த்த வசனங்கள் மேலும் கஞ்சா கருப்பு இல்லாத கிராம கள்ளிக்காட்டின் வாசத்தை சொல்கிறது இந்த தென்மேற்கு பருவக்காற்று.


 

டைட்டில்ல வருகிற கள்ளிக்காட்டில் பிறந்த தாயே பாடலில் வருகிற ஒவ்வொரு வரியும், பெண்ணும் மனதில் அழுத்தமாக பதிகிறார்கள். பூ படத்திற்கு அப்புறம் இயல்பான கிராம படத்தில் நான் பார்த்து வியந்தது இந்த படத்திற்குதான்..
தாய் பாசம் சம்பத்தப்பட்ட படம்னு நாம் ஒரு வரையறுக்குள் ஒதுக்கப்பட முடியாது, ஏனெனில் இதில் தாயில் அன்பு மட்டுமல்ல  அதையும் தாண்டி அவள் வீரமும், உழைப்பும், ஒரு நாட்டுபுற தாயின் அச்சு அசல் வாழ்க்கையும் பதிவு செய்யப்பட்டிருக்கு..

ஆடு மேய்க்கும் கதாநாயகன், ஆடு களவாண்டு அதை கறியாக்கும் குடும்பத்தில் கதாநாயகி, பொட்டல்  பூமி என  ரொம்ப எதார்த்தமான கதை..

படத்தில் அத்தனை பேரும் இயல்பாக நடித்திருக்கிறார்கள்.. குறிப்பாக சரண்யா , இந்த படத்தில் அம்மாவாக  வாழ்ந்திருக்கிறார்கள். கதாநாயகனின் மாமா பொண்ணு, அவனது நண்பர் கணேஷ் என படம் முழுக்க நிஜ நாயகர்கள்.

கதாநாயகன் சேது அழகாக இருக்கிறார், அழகாக நடித்திருக்கிறார். காதல் பொங்க கண்களால் பார்ப்பதும் சரி,  எதிராளியுடன்  சண்டை போடுவதும்  சரி அழகா செய்திருக்கிறார்.
கதாநாயகி வசுந்தரா தாவணியில் அழகாக  இருக்கிறார், பட்டிகாட்டு பொண்ணை போல அமைதியாக நடித்திருக்கிறார்.

கள்ளி காட்டில் பிறந்த தாயே என்ற ஆரம்பித்த படம், அதே பாடலுடன் முடிகிறது ,
சிறப்பான முடிவு.

ஒரு சிறுகதை படித்த அனுபவத்தை கொடுத்தது, குறிப்பாக அந்த பாடலை தொடர்ந்து நான்கு தடவை கேட்டேன், அவ்வளவு அழகான வரிகள், கள்ளிக்காட்டு இதிகாசம் படைத்த வைரமுத்து இவ்வரிகளையும் படைத்துள்ளார்.

செழியனின் ஒளிப்பதிவு செம்மண் நிலங்களையும், ஆடு மந்தைகளையும் அழகான மனிதர்களையும் சிறப்பாக வர்ணம் தீட்டியுள்ளார்.

சீனு ராமசாமி பெரிய இயக்குனராக  வருவார், சிறந்த படைப்புகளை அவரிடம் இருந்து எதிர் பார்க்கலாம்..

கண்டிப்பாக இதுவும் தமிழ் சினிமாவின் சிறந்த படங்களில் ஒன்று அதில் மாற்றமில்லை..